市區大型新盤登場 帶動整體樓市氣氛 50指標屋苑周末預約參觀續升1.5% 連升六周
利嘉閣地產研究部主管陳海潮表示，觀塘大型新盤凱匯以震撼價推出，旋即成為市場焦點，吸引大批東九龍二手客轉投參觀新盤，不過整體市場氣氛在新盤帶動下，加上新居屋向隅客繼續回流，以及中美貿易戰短暫停火，令本周末預約睇樓量續升。根據利嘉閣地產研究部數據估算，全港50個指標屋苑共錄1,325組客戶於本周末預約睇樓，按周續漲1.5%，連升六周。
按地區劃分，港島及新界區指標屋苑的周末預約睇樓量雙雙造好，九龍區則按周回落，當中以新界區的升幅最顯著，該區21個指標屋苑於周末暫錄645組客戶預約睇樓，按周增加8.4%。利嘉閣地產沙田第一城分行高級聯席董事何家健指出，新居屋結果公布後，向隅客陸續出動尋找筍盤，帶動上車盤沙田第一城的周末預約睇樓量向好，近月屋苑的成交價已回落一定幅度，於現水平大致橫行，目前屋苑放盤入場費約480萬元，本月交投平穩。
港島區8個指標屋苑於周末暫錄205組客戶預約睇樓，按周增加5.1%。利嘉閣地產太古城恆山閣(A組)高級經理黃凱達表示，近日太古城睇樓及交投氣氛均保持不俗，雖然有個別準買家轉往東九新盤睇樓，不過考慮到樓花期需時，有自住需要的客人仍留在二手市場尋寶，對睇樓及成交有支持。他預期，以目前市況而言，料本月全月屋苑有機會錄得約15宗以上買賣交投，有望重返今年七月時的相若成交量。
九龍區方面，21個指標屋苑於周末暫錄475組客戶預約睇樓，按周急趺7.8%。利嘉閣地產麗港城分行首席聯席董事萬達人表示，觀塘大型新盤以低價開盤，市場反應積極，新盤地點亦相當吸引，開價具有競爭力，令區內不少準家家轉往參觀一手。二手方面，大部分業主暫時觀望，現時只有個別減價情況，由於市場焦點及人力均集中新盤，令本周末麗港城預約睇樓量大幅減少。
發稿：利嘉閣地產資料研究部
