加息潮殺到 新盤準買家咁樣講…
香港銀行加息後首個新盤屯門上源，今日(9月29日)截止認購，發展商萬科置業(香港)指連日累積逾4,300票登記，超額認購逾11倍。對於加息潮殺到，部分參觀該盤示範單位的準買家，都表示未有擔心。
●陳先生：每月相差唔多
尚未投身社會工作的陳先生就表示，「今次算係第一次買樓，家人諗住買個三房單位自住。」
對於未來進入加息周期，佢就話：「都係每月供多嗰幾百蚊，相差得幾多呀？！」近日樓價有下跌跡象，他則亦擔心會「買貴貨」，?過由於該盤呎價不用一萬元，故亦比較安心。
●黃先生：買樓供樓睇長遠
銀行宣布加息，但從事建築業的黃先生則「好淡定」，並指：「供樓好長遠嘅，唔係睇一時三刻加幾多，以前夠試過息口上到2.9厘，又有咩好擔心？」
●邱小姐：利息唔會一下子加好多
邱小姐本身有自住物業，但考慮再買一間投資。她表示：「加息其實都驚驚哋㗎，不過應該唔會一下子加好多，OK嘅！」
