臨近新春放盤減 股市波動買家趨觀望 50指標屋苑周末預約睇樓量按周跌5.4%

利嘉閣地產研究部主管陳海潮表示,美股大跌觸發恒指本周急挫,一手市場亦未有大型焦點盤登場,加上農曆新年將至,部分業主及準買家外遊,市場瀰漫收爐氣氛,令預約睇樓活動減慢。據利嘉閣地產研究部數據估算,全港50個指標屋苑共錄1,575組客戶於本周末預約睇樓,按周下跌5.4%,繼早前連升五周後首度回落。不過,由於樓市購買力及需求仍然強勁,預料農曆新年過後市況將逐步回暖。

按地區劃分,全港三區的周末預約睇樓量全線下挫,當中以新界區跌幅顯著,該區21個指標屋苑於周末暫錄695組客戶預約睇樓,按周減少6.1%。利嘉閣地產元朗Yoho Midtown分行經理凌光盛指出,近日區內未有全新焦點盤推出,加上股市震盪,對準買家造成心理影響,不少客希望藉此「鋤價」,但業主不為所動,最近成交單位仍以理想價售出。凌光盛表示,由於大部分準買家入市心態轉趨冷靜,觀望後市發展,本月屋苑暫錄5宗成交,較上月同期減少,預約睇樓量亦有所回落。

九龍區方面,21個指標屋苑於周末暫錄585組客戶預約睇樓,按周減4.9%。利嘉閣地產麗港城分行高級聯席董事萬達人表示,農曆新年臨近,傳統上開始步入淡市,二手不論睇樓、交投均見放緩,個別買家亦由於近日股市波動,寄望有「筍盤」釋出,惟業主叫價仍然強硬,雙方出現拉鋸,屋苑未來兩天預約睇樓客量亦見減少。萬達人補充,目前麗港城兩房單位入場費約680萬元。

港島區8個指標屋苑於未來兩天暫錄295組客戶預約睇樓,按周回落4.8%。利嘉閣太古城恆山閣分行高級經理黃凱達表示,雖然股市的短期波動對具實力的準買家影響不大,不過,太古城放盤經過上月底一輪急速消化後,平價盤源有待補充,目前可供睇樓的買賣放盤只有約30個,令睇樓約盤的步伐也相對減慢,交投未能延續上月底旺勢,本月屋苑暫錄4宗成交,較上月初同期的5宗略減,由於成交多為優質高層戶,平均成交呎價達逾2萬元,暫較上月升約8%。黃凱達預料,屋苑二手成交量於過年前將持續減少,料需待農曆年初四或過後,交投方會開始復甦。

發稿:利嘉閣地產資料研究部