新盤混戰:投資客無懼首置計劃 照搶新盤!

樓價狂飆,政府研究推首置上車計劃降溫,細價盤禍福難料,但投資者明顯冇有怕,照入市搶買新盤單位。有80後收租客劉生指,目前有物業收租,預期畀一半樓價做首期,唔怕樓價跌;另買家廖女士坦言,屯門區新盤呎價賣1.5萬港元都要買,因為「冇得揀」。

屯門新盤城.點周六盡推204伙,吸引不少投資者,其中80後城‧點準買家劉生表示,從事飲食業生意,目前有物業收租。不過,今次置業會以太太名義買入,因此不用畀15%的DSD的印花稅,他補充,買一房戶或開放式單位都可以,睇情況而定。他估計,香港樓市將平穩發展,且屯門區基建多及港珠澳大橋,前景不俗,是次預期畀一半樓價做首期,唔怕樓價跌。

城.點準買家廖女士指,打算幫仔女買一房戶自住或投資,預計入市金額約400萬元,料畀樓價2成至3成做首期。屯門區呎價賣1.5萬元都要買?她坦言,「冇得揀」,又指屯門區樓價一直被低估。她說,現時很難講樓價會不會跌,不過目前息口仍低,全世界印太多銀紙,坦言「以前太過悲觀」。

另外,曾投資新盤開放式單位的洪女士表示,打算再以400萬港元買城.點的開放式單位,作收租之用;而早前也試過用近400萬元買入旺角逸新開放式單位投資。對新盤細戶情有獨鍾,她說,舊樓有維修問題,新樓又有長成交期,可以慢慢籌錢。她補充,長遠睇好香港樓市,因為香港超過一半人想有層物業。